ما المقصود بالطموح؟؟؟
الطموح هو ان يبقى عندك الحافز اللى يديلك القوة فى انك تحقق اللى انت عايزه.
ممكن نتستخدم الطموح او يبقى عندنا طموح فى اننا نبقى زى شخص معين وهو غالبا بيبقى المثل الاعلى والقدوة.
الطموح هو القوة الخفية اللى بتبقى داخل الانسان وبتكبر مع الوقت وبتنمو علشان تديله القوة والدافع علشان يحقق اللى هو عايزه, باختصار الطموح هو قوة لايستهان بها تخلق داخل الانسان.
وعلشان يبقى طموحك ايجابى وبناء يفيدك ويفيد المجتمع حولك لازم تنمى شوية حاجات جواك منها:
* ثق بنفسك وافتخر بيها زى مانت عايز, ولكن خلى بالك واياك من الغرور.
* سجل انجازاتك فى مذكرة خاصة بيك وكل مايعدى بيك اوقات ضعف وهزيمة افتح المذكرة دى واقراها.
* خلى وقت فراغك مليان بكل حاجة فيها خير ولحظات مفيدة ليك وللناس.
* خلى اصحابك والمقربين ليك من الناس اللى بيحبوك وبيدعموك ومش بينافقوك.
* احرص على شكر كل الناس اللى وقفوا جنبك وساعدوك.
* اعرف ذاتك كويس جدا, واياك ان تنخدع بنغمات المديح اللى بتتقدملك, ودايما خلى من ضمن مشاريعك انك تقف قدام المراية وتواجه نفسك.
* خلى عندك مناعة ضد الافكار السلبية واياك ان تتلقى اى رسائل مش فى صالحك.
* خصص وقت تعاتب فيه نفسك, ولكن خلى بالك فى فرق بين العتاب وبين الاحباط.
* اهم حاجة لازم يبقى عندك خطة مدروسة كويس جدا, وان تتبع الخطة دى.
* اياك والكسل والعشوائية فى التصرف.
* كل صباح وجه نيتك على ان تعيش باستقامة لان الاستقامة هى منبع الكرامة, ولو وقعت فى اى غلط سارع بالتوبة فى اسرع وقت.
* لازم تستفيد من تجارب الاخرين سواء كانت ناجحة او فاشلة.
* خلى اى حاجة ولو كانت صغيرة من ضمن حساباتك وجدولك, ولا تستهين بابتسامة, بجلسة سمر مع العائلة, بجلسة استرخاء وصفاء للذهن, بمكافاة لنفسك زى مثلا خروجة فى مكان ما.
* اقرا القواعد دى مرة كل اسبوع واحرص على ان تقراها فى وقت نشاطك.
* "لا يأتى الانتاج الا بالاتباع" ضع ذلك فى حساباتك دائما.
هنساعدك توصل لجمهورك اللى عايز توصله فى اسرع وقت ممكن
هنوفرلك خطة تسويقية مناسبة للسلعة او الخدمة اللى بتقدمها وده لان عندنا فريق عمل متخصص فى التسويق الالكترونى والدعاية والاعلان
متفكرش كتير والحق عروض راس السنة الجديدة
اتصل بينا دلوقتى
.png)
.png)
.jpg)
